عاوز تعرف أنا مين
أنا من اللي علي الطبلية متربين
فالحارة والشوارع الضيقة عايشين.
تعلمنا ده صح وغلط وده كلام الدين
أنا ابن ناس طيبين .
علمونا الحلال والحرام واحترام الاخرين.
أه أبويا وأمي مش متعلمين
بس علمونا واتربينا يمكن من جنيهين.
يعني عشنا وتربينا بين حيطان من اللبِن والطين .
هفضل أفتخر بعيشتي ديه،مع أن مش دايما كنا بنام متعشيين.
تعلمنا احترام الكبير والصغير والخوف عالجار ولو على غير الدين .
ولا هضعف ولا هخجل لا ،دانا من
تعب وعرق صُلب متين.
أنا بمثل أمي وأبويا اللي خلوا ليا كيان وبريق ورنين.
اه بغضب واتوتر عادى منا أنسان
اقدر ارد بقوة وكلام مهين .
بس انا واخلاقي متفقين
محدش يساوى اضيع تربية سنين .
انا ردي جاهز بالادب ورسالة وبكلمتين.
كل التحية للحارة والطبلية ولاهلي ولكل الناس الطيبين
ليست هناك تعليقات:
إرسال تعليق