الأديبة والشاعرة /زيزى ضاهر
ونرسم صور
عا حفاف العمر
لي بيركض خفا
نغار ونحترق
بنار الهوى
وبيمرق المشوار حلم بأوله
صور من ذكرى ما بتترك صدى
ويمكن يخلص العمر بليلة قدر
بس بآخر المشوار
بيتركنا الحلم من دون وجع
منسرق من الزمن غفوة حنين
ونكتب عمطارح الذكرى العتيقة
كلمة وفا وتذكارات منسية من دون صور
في حب بينتسى مع الأيام
بيرحل غريب متل غيمة صيف
وبيختفي بعجقة الأحلام
ويسافر بعيد من دون صدى
وحب ما بيموت
ولا بيهجر مطرحه
مهما البعد كتبه بمدمعه
بعيش جوى الروح
متل ربيع تكحل بنور الوفا
بتخلص الدني بس عمره ما بينطفى
وكل ما البعد طاف بليلة سهر
بيبقى لاحق خيال الهوى
كل العمر ولو همزة غفا
Zizi daher
