بقلم/ كيرلس توما
جرح في جنب الحبيب
و كل ضربة سياط
على الضهر تبقى لهيب
و كلام قليل يتقال
و الصمت صوته رهيب
مريمات حزانه باكيات
و يستمر النحيب
تسأل ايه الحكاية
تلقى الاهات تجيب
و اللص اليمين يناديه
دا الرب لمن يدعوه قريب
يرد المسيح عليه
هيكون لك معايا نصيب
و يقول تاني قد اكمل
و قبل ميعادها الشمس تغيب
هتضلم الطبيعه
و تكون مشهد عجيب
هيموت عشاني تاني
و اصراري انا غريب
مُصر على خطاياي
و بقدم بأيدي صليب
باعيد قصة الامه
باعيدها بالترتيب
ليست هناك تعليقات:
إرسال تعليق