بندور علي السعادة هربانه وفين نجيبها
كل الدنيا يا سادة بتجرح حبايبها
ملهاش أمان وعهد مكنش
غيرنا سابها
تعبانه قلوبنا منها وعايزين خلاص نسيبها
قاسية دايما علينا وحتي لما تراضينا
بتبقي بتضحك علينا ونصدق الاعيبها
كلها احزان وهم وكفاية حرقة دم
هدي السرعة ياعم بلاش
تعمل صاحبها
قاعدين نبني في خيالنا
ونرسم مستقبلنا
وازاي نربي عيالنا وعايزين حتي نصاحبها
وهي بتضحك علينا ماشي
زي السفينه
تاهت في بحر عاتي والموج هايج علينا
مفيهاش ابدا سعادة ساقينا
المر ساده
وبنرجع للعبادة لما هي تلاعبنا
مع ان الصح بيها ولا يوم نفكر فيها
ونروح بالقلب دايما للي خالقنا وخالقها
نفرح مهما تعاندنا والقوة من عنده تسندنا
ولا يوم تقدر علينا طول
مالدفه في ايده هو يقدر عليها
نهرب منها تلاحقنا ونروح
لحد عنده ونحبه ونكمل
معاه طريقنا
عيشها بقلب طفل ولا يوم تقدر عليك
لا تفرق عايش في قصر ولا ظلم الدنيا ليك
