بين عقلى وقلبى بقلم الشاعرة / سيڤا يوسف

بين عقلى وقلبى
ما بين قلب حاببنى
وقلب أنا حباه

يتعذب عقلى
وأنا وياه

بشوف من بعيد حبيبى
وأتمنى لُقاه

وبعذب قلب تانى
وبالبُعد ملوعاه

ولا عارفة أكون لحبيبى
ولا قادرة أكون للى بيعاه

ولفى بينا يا دُنيا وهاتى
ألف وجع وألف آه

عقلى بيقول أقفل ببانى
وقلبى يقول يا ويلاه

ومابين عقلى وقلبى
يضيع الحب وأضيع معاه

هل خُتِمَ لا للحب على قلبى؟
وهل من خَتَمَ هو عقلى؟

قد قَتلَ العقل قلبى
وحُكِمَ على عقلى بالسجنِ لقتله إياه