خليك فى حالك
عيش ياقلبى ومتشغلش بالك
وسيبك من اللى يعكر مزاجك
ومتنساش تفكر فى حالك
وتنسى كل اللى جرالك
شيل هموم نفسك بنفسك
وأى هم تانى انت مالك
من سأل عليك مره قولى
ولا حتى فى يوم جالك
من قدر يمسح دموعك
ولا ضحى مره بدالك
عيش ياقلبى وسبنى اعيش
من مات فى الدنيا عشانك
من فرحك ولا حتى ضحكك
من شال عنك احزانك
من غاب عليك وبلغك سلامه
من قالك ياقلبى مالك
راجع شريط حياتك تلاقى
كل اللى ظلمك وهانك
عيش بقى وخليك انانى
عيش واسرح بخيالك
ليست هناك تعليقات:
إرسال تعليق