🌷زواج الكلمة بالمعنى🌷
فداك العام
فداك اليوم
كان نهار الخميس
شفت الكلمة عريس
والمعنى عروسة
فدار القصيدة
دايرن العرس
الحروف كلها فرحانة
وناشطة مبسوطة
وعندها الگانة لا شطيح
زواج الكلمة بالمعنى
بقى عرس فالتاريخ
مزمم فشلا كتوب
ماشي عرس دايز
كيف العجاج والريح
فداك العرس شفت العجب
شفت الحروف سكرانة
تشطح وتغني
وتعلق الغرامة
وتغوات بصوت عالي
گالت شلا كلام
فداك الكلام
شلا من معاني
وخا راها فرحانة
قلبها راه تا يعاني
من زواج الكلمة بالمعنى
حروف خايفة من الصدمة
خايفة من الفراق
خايفة تعيش مدلولة
من بعد ما كانت
هيا الحاكمة
وبها ينطق اللسان
ويگول شلا كلام
فيه الحقيقة والأوهام
ليست هناك تعليقات:
إرسال تعليق