بقلم/ الزروقي جواد
شحال كانت صدفة زوينة
منين تلقينا فداك المدينة
وكانت الشتاء تصب
ونا فعينها شفت الحب
من أول نظرة سكنت القلب
معرفتش شنو جرا لية
شميت فيها رحت عطر قوية
مع الشتاء والريح والعطر
ضخت وتلفت
والنفس تقطعات فيا
مابقيت قادر نوقف على رجليا
الريح والشتاء تصب
تلقات عيني فعينها
ساعة نشف لية الحلق
والكلام من عقلي هرب
عيني فعينيها ونا نشوف
ما لقيت من نقول
ونا محروق من داخل نتألم
عطيتها يدي ما بغت تسلم
القلب حزن وبقا يتألم
صدفة تلقينا فداك المدينة
صدمتني وفقلبي دارت روينة
ندمت علاش مشيت للمدينة
ليست هناك تعليقات:
إرسال تعليق