الأديبةوالإعلامية سفيرة الجمال العربي زيزي ضاهر
طلي من الحلم
من وطن هجرته
اﻷسرار
إﻻ الحلم
من بيوت خبزها
كان قمح الوفا
صارت وجع
ورماد
من أرض رفيقها قمر سهران
ومطرحها شمس
ما بتنام
إﻻ عا مراية الأحلام
طلي قبل ما ينكسر
شباك الهوى
وينام الحب
بعتمة الأوهام
يا مسافرة
وبالقلب موجودة
رجوعك إلي
وموعود فيك التقي
تعي نتخبا
جوات أحلامنا
هونيك بعيوني بخبيكي
وبزرعلك عا كل شباك
ألف وردة مزينة باسرار
حتى في تهتدي
طلي من ورا الغيمات
مطرح ما رحتي
وصرت ناديكي
هونيك أنا ناطرك
وكل الحلم مشتهي ضمك
طلي من شبابيك الوعد
شو مشتاق أنا ليكي
تخمين ما خبرك تشرين
إني كتير نطرتك تاطلي
ومع مراية الأحلام
برقص كل ليلة معك
وبشوف من ورا الغيمات
رجوعك صبحية
وعا رياح الغربة
وحنين المشتاق
باعتلك شروقية
تقلك شو مشتاق ليكي
وآخ شو سرقني الك نيسان
وعلى عتاب العمر
شو كتب الك مشتاق
وعبواب الحلم ناطرك
تا خبرك وقلك
إني سرقتلك من اﻷحﻻم
قصيدة وفا مسافرة
عوطن مجروح
كتبها الك قلبي الموجوع
وهونيك خلف الوعد
نطر مرسالك بلهفة الجوعان
حلّفتك بغربة الأوجاع
لي سرقتك مني بغفلة
بحكايات كانت ع بالي
رديلي لي كان إلي
خلي العهد بيناتنا أسرار
يوعى وينام بينا مع اﻷحلام
طلي من جنون الغربة
تاقلك أنا شو مشتاق
ضمة تعيشني مع اﻷحﻻم
وانسى إنك عني صرتي بعيدة
وحتى شوفك أنا شو تمنيت
يمكن يا عصفورة اﻷحﻻم
ما نلتقي برات الحلم والليﻻت
خليكي معي جوات أحلامي
هونيك بخبيكي بأشواقي
يمكن مع غفلة زمن
ياخدني الك سر الكون
أغمرك والوجع صوتي
وتاخبرك أنا شو مشتاق
بس بخاف أوعى من الحلم
يا حلوة الحلوات
وأنطر وعد مع اﻷيام
هونيك اختفى
بعتمة اﻷسرار
ومن مطرح
ما سرقني الحلم
أوعى وحدي ما تكوني
ويسكن حنينك إلي
بوابة النسيان
ليست هناك تعليقات:
إرسال تعليق