سوالف ليل /بقلم الشاعر الاستاذ محمد جواد الكعبي (العراق)

(  سوالف ليل  )  ..

بقلم / الشاعر محمد جواد الكعبي  ..

أشكليلك حبيبي

 مر البعاد

مرض بيهن أعضاي

وأنته تشفيهن  ..

أگضي الليل كله

وي التصاوير

كل بوسه أعلى صورة

وعطرك البيهن  ..

هم هجر وزعل

وهم هم البعاد

وهم سهام عينك

بية تسبيهن  ..

حچي بگد الترافة

العاشت وياك

أفصلهن گدر بس

مرلي أحچيهن  ..

طلگت الليالي

بس الوياك

وحشة تمر علّي

چيف أنته مابيهن  ..

صرت ألظم خرز

من فوگ النجوم

أسويهن عقد

وبجيده أخليهن  ..

سوالف ليل عندي 

بگد النجوم

أطرزهن شذر 

بخدود راعيهن  ..