ضاعت سنين العمر…
ضليت الك انتظر..
باخر محطات الوكت…
المكتوب بيه الصبر..
جودرت حملي ونوخت…
من لفجر للظهر…
انتظرك تردلي…
ايعود بيه الدهر…
تاليتك من الصبح…
سهمك غدر بالظهر…
وين الگه مثلك شخص…
متعلم عالغدر….
ينصب شباچ العشك…
عالماي فوگ النهر…
لاسمچه مثلي صفت…
طير وعليه وچر….
لمن وگع بالشبچ….
خلاه فوگ الجمر… .
روحي تهافت حزن….
محزوزه من النحر…
عطشان ميت ظمئ…..
الماي الك مستجر….
وين الكيه طيب بخت…
معروف طيبه بذكر…
يلگه دوه العلتي….
من دون كل البشر…
الحمداني
ليست هناك تعليقات:
إرسال تعليق