للأسف والاسف الشديد
هاد الزمان شحال ولا غريب
شحال من شفار مشا بعيد
ساكن فيلا وراكب على الحديد
عايش حياتو زوينة في المدينة
وعمي العياشي راكب على حمارو
مايعرف يركب على الحديد الجديد
عايش فالغيس والتكرفيس
ميعرف يدير لا سياسة ولا تسيس
وحد نهار جا لدوار وحد المرشح
فداك النهار كان فيه العجاج والريح
بدا يهدر ويعرض فكلام خطأ ماشي صحيح
أنا خوكوم وحبيبكم ولد الدوار
هشام ولد الحاج المختار
بغيت نخدم بلادي ونخدم ولاد الدوار
ناض عمي العياشي مول الحمار
وبدا يهدر ويشعر بكلام فيه الحكمة
واش حنا تنبانو ليكم غير بكمة
حنا ضايعين معندناش حتى الماء
ربي كبير وعظيم هو لي فالسماء
ها العار الا ماخوي هاد الدوار
راه ماكينش التيقة كلشي ولاشفار
للأسف والأسف الشديد الناس عاقو
ومن النعاس والجهل فاقو
كلشي ولا معول على ساقو
يطلب الله يرزقو من أرزاقو
للأسف والاسف الشديد
حال الدنيا ولا غريب
🌹 بقلم: الزروقي جواد 🌹
🌹 البلد: المغرب 🌹
ليست هناك تعليقات:
إرسال تعليق