بشعر العامية المصرية
الغربه
يا عيوني بس قولي لي
الغربه عملت إيه
والصبر مين وصفولي
أستنى ولا اخفيه
أنا شفت حزن كتير
وحياتي كانت كدر
صبرت نفسي كتير
وقلت كله قدر
من كل قلبي بقول
يكون في عون البشر
أصل المحبه نور
وساعات بتبقى خطر
للي عطيته أمان
وخان عهودي وغدر
الغدر جرح ما لوش
دوا غير الحذر
وانا كنت لسه برئ
وثقتي بين البشر
عماله تعلا تزيد
و سايبه فيهم أثر
كم مره شفت حريق
وعداوه بين البشر
وعملت مره جرئ
وقلت اهد الحجر
والدنيا لما تضيق
أصلح اللي انكسر
لقيت الناس بتسئ
وقلوبها لسه حجر
لا عايزه حد جرئ
ولا شايفه فين الضرر
صدق اللي قالنا شئ
وكلامه زي الدرر :
الناس بسرعه تبيع
وعيونها فاقده البصر
لا بتعرف التمييز
ولا عارفه فين الخطر
ولا عارفه مين بيفيد
ولا حاسه حتى بضرر
-------------------
ليست هناك تعليقات:
إرسال تعليق