#من_صميم_القلب_مع_ريما
وينك يا بيي
بدي شوية حنية
من زمان....
ما عاد فيه انسانية
كيف بدي كفي
بقساوة هل الايام
وانت.....
لما غادرت الحياة
ما خبرتني...
قديش في....
احزان وانانية
صورتلي الحب امان
وعلمتني....
انو الوفاء عنوان
والحرية عنفوان
يا بيي..
بدي خبرك خبرية
عن البلاد
يلي تركتني فيها
لوحدي صارع الحرية
الحقوق منهوكة....
من شعوب همجية
علمتني الوفاء
وبعدني وفية
ولكن يا بيه.....
ما في وفا بهل الوجود
يا ريتك خبرتني
انوا.... الوفا قصة وهمية
خبرتني عن الوطن والمواطنية
يا بيه هيدا طلعت كذبه
عم يتغنوا فيها الحرامية
بيي..
ما في شرف ولا حنية
انا اليوم ضايعة
بين خبريات....
والواقع يا بيه
وربيت ولادي
مثل ما ربيتني
عم يعانوا يا بيي
وانا صرت
من هل الزمان مرعوبة
انا ما فيني اتغير
وصير بلا ضمير
والضمير ببلدي
صار قطبه مخفية
ليست هناك تعليقات:
إرسال تعليق