بقلم/الشاعرة والأديبة زيزى ضاهر
شو بخبرك يا بيلسانة الوديان
يا جبين العز لي ما بينحني
انت بعيون الوفا كل الدني
وحدك ل حامل هم الوطن
بحبك لأنك وطن مولود
بأرض عشتار
وبعيونك طير الفينيق
سكن سرك وجاور الأحلام
بدعيلك يا كحل الأرض
وتبغها المر مجبول
بخبزها الموجوع
تبقى بقلبي صبية
مهما الزمن جار ودار
وضل أحفر اسمك على الشطآن
ومن مطرح ما الزمن حلاك
إزرعك مشوار مسافر معي
تخمين عمر مشتاق إلك بيضل
منحبك يا نهر الحب والإنسان
رغم الوجع وسيوف الخذلان
بعيونك مرسومة
حكاية وطن إسمه لبنان
نحن من هون خلقنا
من حلمك المولود فينا
ومهما سرقوا منا التذكار
بتبقى فينا راية شعب ما بينهار
مش هم تموت بأرضك غريب
انت الوطن
وغيرك بيرحل غريب
ليست هناك تعليقات:
إرسال تعليق