بيروت ما بيلبقلك الاسود بيروت مدينتي الحلوة
بيروت يا امي وبيه
بيروت حبيتك مثل
ما بحب خيه
بيروت انت الحنيه
بيروت يا مرتع الحرية
بيروت بشوفها بعينيه
بحملها صبيه بروحي
وع كفوف ايديه
بيروت صدى وصوت وغنية
بيروت انت الذوق
جمعت
وبعمرك ما فرقت
بيروتيه وبشوف حالى فيك
لح اوقف ع سطوح بيوتك
واصرخ بأعلى صوتي
اني بيروتية
بدي خلى الآذان الصماء
تتفتح شوية
والشويه يصيرو كتار
يا امي
بالحنية
الحلى انت يا ست الدنيا
لح تضلي مرتع الحرية
غصب عن كل مين اغتصب
ارضك وقال هيدي ألي
بيروت حاملي على كتافك جبال
من الحنية
فيك البركة وع البركة ماشيين معك ومنقول لولا البركة كنا متنا
وما عاد في لبنان ولا لبنانية
بيروت لح تضلي شامخة مثل صلابة جدي يلي ما بيروح من بالي
ولا شويه
قمباز ولفة ورجولية
ووعد الحر دين بدون منية
يا ريت بترجع الايام يا امي وبيه ونعيش على هل ارض الوطن
بحنية
وما نعرف الغدر ولا الانانية
بيروتية من بيروت
عاصمة لبنان انا يا خيه
ليست هناك تعليقات:
إرسال تعليق