🌹.....بغيت نكتب🌹
بغيت نكتب على حياتي
على شوية من الأتي
على قلبي شنو دار فداتي
على الحزن لي فقلبي
على غوات أهاتي
قلت نبدا نكتب
ولا نصبر شوية بلاتي
حتى يطيح الظلام
ويزيد يتجمع الكلام
ساعة القلم ما بغا يكتب
وحلف المداد لا ينزل
ويزمم داك الكلام
ويرتاح قلبي من التخمام
والتيه فالأحلام والأوهام
القلم خوا من المداد
ونا عقلي بقا تاية
فيه شلا كلمات وحروف
كيف الكسيبة تالف
عليها داك الخروف
غطاه من لحمو
وخا مدزوز ما فيه صوف
دالع ما يعرف خوف
ونا عقلي مزال تالف
بين كلمات و حروف
ليست هناك تعليقات:
إرسال تعليق