أكتب ياقلم
مسكت القلم وقلت
أكتب عن همومي
بكي القلم
قبل عيوني
ورسم حروف من الماس
وكمل وقَلب في الذكريات
قلتلو دوس بإحساس
وأكتب عن أعز الناس
عن صاحب أو أخ
أو أب وأم حتي أستاذ
أفرد دموعك
ورتب حروفك في الكراس
أوصف وقول مين ودعك
ومين بكي عليك واشتراك
وعن أللي همل فيك وباعك
إدي كل وأحد حقه أللي أستناك
وأللي أستغني عنك بسهوله
حتي أللي مرضتش عليك
وعملت نفسه خجوله
وانت عارف كل حاجه
من أول الفوله
متتكسفشي من دموعك
وأكتب لكل وأحد أللي قاله
الغلط غلط والصح صح
والكلام الملون وأفعاله
وكل أللي يقول حاجه حلوه
وقت الجد عكسه في أعماله
ومتنساش أجمل كلمه
سمعتها هي وصاحبها
حتي لو جت بعديها قسوه
وخفت معالمها
سطر كل أللي فاكره
علشان كل الأيام معلمها
وخليك أصيل
بلاش تلون الحروف وانت بترسمها
خلي الكل يعرف ليه نزلت دموعك قبلي
أنت أللي هاتكتبها وتظهر معانيها
وشاهد عليها بالضماير والأفعال
مش من بعيد هاتشتريها
كلها اتكوينى بنارها
ومصعبناش علي حد
لما عشناها وحسنها
ومتفكرش في أللي هاتكتب عنهم
وأيه هايجرالهم
وخليك فاكر
ايه خسرنالهم
ليست هناك تعليقات:
إرسال تعليق