لبناني من عمر الارز
لبناني من عمر الارز
حنطي متل لون القمح
وقامتو شامخة متل صنين
شواربو متل تلال جبل الشيخ
نظراتو كلها حنية
بيشبه جدي وبي وخي
نازل صوب الوادي
حامل عكتافو معول
والزوادة،
سألتو بعد غياب سنين اذا خلصت الحرب الاهلية !!!
جاوب بعد صفنة طويلة وقال ...
مطولين يا بنتي مطولين...
من سنة ١٩٧٥ ل تاريخ اليوم ٢٠٢٠ وبعد قدامنا كتيييير .....بعدنا مطولين
وعيونو بالدموع غرقانين
تطلع حواليه
وتنهد تنهيدة طويلة
بتحس فيها قهر سنين...
وقلي كيف بدا تخلص الحرب
اذا على اختلاف الرأي مجزرة عاملين
وسنديانة الضيعة
ابو خالد وابو الياس
عليها مختلفين
ومعروف ناوي يقصها
يتدفى عليها بكوانين
وابو علي حاميها
ومن دمو بيرويها
وحالف يمين عنها ما بيتخلى...
اي يا بنتي كتيييير مطولين
زيزي الشامي سليمان
ليست هناك تعليقات:
إرسال تعليق