بنحب ليه؟
ومحتاجين من الحُب إيه؟
محتاجين طبطبة
محتاجين فضفضة
محتاج لحظة تنسى فيها الكركبة
محتاج اللي يمسك ايدك من غير المصلحة
ضهر تحتمي فيه وقت المعركة
محتاج الكلمة وسط الأسئلة المُربكة
للمسة وهمسة تتوه وياها من الحياة المُهلِكة
محتاجين حُب يفتح ببان المصيدة
يشد الروح من النيران والتهلُكة
محتاجين نحب ونتحب
أيوة نفسي أحِب وأتحَب
نفسي أعيش الحلم بجد
أسمع كلمات تخطف القلب
كلمات للخيال تشدك شد
نفسي في روح وياها أدوب
نندمج من غير حدود
ولا تقدر الأيام تبني بينا سدود
ويتعالى الصوت بحُبك وقلبي دايب دوب
ويخطفني صوتك يبعدني عن الوجود
أيوة بحلم وأتمنى أعيش وياه في الجنة
وأحول حلمي لعصفور الجنة
ليست هناك تعليقات:
إرسال تعليق