ماقدرش اكون انا وهي فقلبك
ماقبلش وحدة تانيه تشاركني حبّك
مجروحة ورغم الجرح بكابر
بالملح بكوي جرح قلبي الصّابر
رماح بحسّ بقلبي مغروسه
وبضحكلك رغم إنّي مفروسه
بنهزّر زيّ الصّحاب ونتكلّم
وجوّايا صرخة روح بتتألم
اعمل ايه والحظّ دايما بعيد عنّي
وميلة البخت لابدّ حتماً تلازمني
بتنهد ...ونار بتخرج من قلبي
وبقول ..ده ذنب قلبك مش ذنبي
انا النّجمه وعمري ما
اكون كومبارس
ومهرتك رفضاك..
تكون فارسها خلاص
ولو انت سفينه
ح كون انا الصحراء
ولو انت هتلر
ح كون انا الحلفاء
ليست هناك تعليقات:
إرسال تعليق