بقلم/الشاعر الأمير محمود
أنا عاصى كلى ذنوب
عن المعاصى نويت اتوب
يارب أقبلنى سامحنى واغفرلى
بدمع الندم اغسل التوب
بسبح بحمدك وبنعمك أشكر
يارب بدعوك يارحمن وأستغفر
خدى بأيدى ومن غيرك يقدر
ينجينى من المهالك وشر المكتوب
الدنيا خدتنى وخلتنى من الأثمين
الشيطان غوانى ونسانى أنا مين
أنت خالقنى لعبادتك ياعظيم
النفس محتاره بين الشك واليقين
أنت الواحد الأحد ملوش شريك
الفرد الصمد والملك كله ليك
القادر المقتدر والكون بأيديك
طمعان فى كرمك ياغفار وأنوب
كنت ناسى وماشى مع الغافلين
شملنى عفوك خلانى من التائبين
لقيت الدمع غمرنى وسال أنهار
جيرنى من النار يا أرحم الراحمين
إدخلنى فى عبادك الصالحين الجنه
إجعلنى من المقربين يارب اقبلنا
للفردوس الأعلى ياكريم وصلنا
لبحر الكوثر اغتسل م الذنوب
ليست هناك تعليقات:
إرسال تعليق