نفسي ارجع تاني صغير
نفسي ما كانت حاجه تتغير
ولا أشوف حاجات تغيظ وتحير
رمضان أهو جانا..
فين ايامك فين لياليك
وفين فرحتنا من حواليك
فين لمتنا ع الطبلية
فين المدفع والمسحراتية
وصوت أمي قوم نتسحر
كفايه مذاكره بعد ما تفطر
فين ع الباسط فين الشعراوي
فين سهارينا واحلى حكاوي
وفين كمان سيد مكاوي
فين فطوطه وفين سموره
فين شيريهان الحلوه الامورة
وفين نيللي الجميلة الشطوره
فين المعلومه فين الفزوره
فين الحب فين الحنية
فين الدراما الراقية المبنية
فين العيله وليالي الحلميه
دلوقتي دراما حشيش
دراما تحشيش
دراما تخوف فكر مفيش
بلطجة ودعارة ويقولوا ترويش
خللوا قلوبكم بذكر الله
تعمر تنظف
وم الحقد كمان تعلى وتتطهر
دي فرصة عظيمة
ويمكن تمشي ولا تتكرر
شهر الصوم شهر عباده
يارب يدومه بحبه وخيره
ولا تقطع لينا يارب دي عادة
ليست هناك تعليقات:
إرسال تعليق