الاثنين، 20 يوليو 2020

بينا نحب ونحيى القلب ؛ بقلم الشاعرة / حنان العجمى ( مصر 🇪🇬 )

(بِينَا نحب ونحيِّى القلب)
بِينَا نحِب ونِحيِى القلب
لِيه نخَبِّى ولِيه نهرَب؟
قَدَر مَكتُوب
لِيه نبعِد هَنقَرَّب؟
ما خَلاص اتبَنَى البيت
وفوق السَّحاب خَطِّيت
ونجوم الليل عَدِّيت
وبِيك أنا اهتَدِيت
أَشوفَك أَتبَسِّم
وعنَيَّا تِتكَلِّم
والناس تقول وتعيد
عن شُوقنا وتِتعَلِّم
وإن لَمَسِت إيدى إيدِيك
قلبى يدُق يناديك
والشمس فوقنا شاهدة
بِينَا نحِب يا دنيا كفاية معاندَة
طريقى طريقك وأنا عارفَة
كُون اتزَيِّن ونجوم مَرصوصة
وَيَا رب احفظ من عين حَسود مَدسُوسَة
ونجومنا بنورها تنَوَّر قصتنا
تهدى سلامها لقلوبنا
ونغَنِّى وَيَّا القمر أَلحانَّا
بِينَا نحِب ونِحيِى القلب
نِعلِن حكايتنا ليه نخَبِّى ليه نهرَب؟
هَنهَنِّى ليليتنا ويحلَى السهر بِمَحَبِّتنا
وشموعنا تقِيد الحُبَّ بفَرحِتنا
والدم بيجرى ف عروقنا
يرقص على نَغَمتنا
وأتَارِينَا ما دَاريِين
بناس حَوالِينا قاعدين
والدنيا مِلك إيدينا واحنا متواعدين
وعَ العَهد مِتفقِين
روحِين متقابلين
وأمانينا مشاركِين
والعِين فِ العِين
ونَبضَة واحدة

ليست هناك تعليقات:

إرسال تعليق

بعد نجاح كتاب الشهرة.. علي ياسين يعود ببرنامج "الفصول الأربعة" ويتصدر التريند

يعود الإعلامي اللبناني علي ياسين ببرنامج "الفصول الأربعة" وذلك بعد نجاحه في تصدر التريند بالوطن العربي وتحقيقه نسب مشاهدة عالية من...