ماتت....
رحلت بعيد ... وفاتت..
ما استأذنتش مننا قبل الرحيل
راحت....
لحظة ما كان الود بيننا قليل..
بنت الصعيد... بنت نيل الحياة..
مش جديد... نصحى فينا الآه..
اسمها كان منور حينا...
كانت تملي تعدي هنا..
تضحك تلاقي ....
الشمس طالعة..
في إيدها قلة..
وعلي راسها زلعة...
بتبتسم.. للدنيا ديا..
وحملها.. دايما تقييل..
ماتت...
بنت الجنوب...
في الصبحية .....
وفي وقت الغروب...
أمشي بين الشوارع...
وسط الحواري....
وفي كل الدروب....
أشوفك زي البدر وردة...
مفتحة... عليها....
الندي مصبوب...
مش بأيدي نفترق...
فاكرة لما اتقابلنا..
وسط الطريق... كنت ساعتها...
حاسس بجد.... إني غريق..
وقتها... عينك في عيني...
بتسرق النظرة الجميلة..
ساعتها سبت قلبي يتسرق..
يا بنت الجنوب
ألف رحمة علي إللي راح....
رحتي ... و زودتي الجراح..
طب كنتي عرفتي الجيران
إنك هتمشي من زمان..
وانك اخترتي الفراق.
اخترتي مبدأ الهرووووب
بنت الجنوب
ليست هناك تعليقات:
إرسال تعليق