يا مصر يا ساكنة جوايا
يا مصر يا عشقي وهوايا
يا بحري وشط مرسايا
يا بلسم شافي ودوايا
معاكي تحلي دنايا
اسمك رمز لغنايا
في الورد أحلي وردايا
في قصايد العشق غنواية
يا شمسي وأرضي وسمايا
يا بيتي وفرشي وغطايا
علي نيلك كتبت مواويلي
وهمس الفجر يناديلي
ونجوم الليل تغنيلي
يا أرض العزة يا صابرة
لعدوك مقبرة وقاهرة
يحميكي المولي يا طاهرة
مية مليون فدا ليكي
ورب الكون بيحميكي
وجيش بروحه يفديكي
فيكي الهرم والسد
يا أم التاريخ والمجد
ياأم السلام والود
يا أمسي ويومي والغد
تعيشي يا نعمة ما نخونك
يحميكي المولي ويصونك
ليست هناك تعليقات:
إرسال تعليق