حرقتو سلافنا بسيرة كورونا
1- دخلك يا ابني جيب الاركيلي
حاجي بكورونا تضلك تحكيلي
ولكل أصحابك دعوه وديلي
تا نعمل سهره أحسن مايكونا
علا دلعونا وعلا دلعونا
حرقتو اعصابنا بسيرة كورونا
2- تا تحمي حالك حط الكمامه
ومن بعيد ل،بعيد تلقى سلامي
وتجنب تعطس حدي وقدامي
والبوسه تجنب عمرها ماتكونا
علا دلعونا وعلا دلعونا
حرقتو سلافنا بسيرة كورونا
3- ون كان عندك عزيز بتحبو
تجنب تضمو ولا تقعد جنبو
تا يبقى عايش وما تحمل ذنبو
وبينلو بفعلك إنك حنونا
علا دلعونا وعلا دلعونا
حرقتو سلافنا بسيرة كورونا
ليست هناك تعليقات:
إرسال تعليق