"كلك سحر" للشاعر الاستاذ محمد جواد الكعبي (العراق)

(  كلك سحر  )  ..

بقلم / الشاعر محمد جواد الكعبي  ..

من فدوه أروح لبسمتك

أسمع موسيقى

بضحكتك  ..

مانام من طول السهر

مشتاگة روحي

لشوفتك  ..

لاتبخل بجيتك علّي

موش آنه أذوب

بشفتك  ..

أتونس وچنك طفل

من تحچي حلوه

حچايتك  ..

تترندج وكلك غنج

سوة عمل 

يامشيتك  ..

شياب تتنادس صفت

گامت تتاني

لجيتك  ..

أنجنت وطاحت بالدرب

معذورة ناس

الشافتك  ..

ريحان طشوو والورد

مفتون تكتل

شوفتك  ..

مزيون يل كلك سحر

حسن الله كله

بعفتك  ..

نسوان داخت من فتت

يمكن گبلنه

عشگتك  ..

ماغار من كل الحچوو

أعذرها كلها

الحبتك  ..