__________
ياللى عليك العين زى القمر وأحلى
ف القلب ليك مكانين قد الحياة وأغلى
مالى أذين وبطين وبيك الروح تحيى
ساكن فى شراييني
وبتجرى فى دمى
سعادتى لما تجينى
تقولى يا أمى
فى عنيكى خبينى
ضمينى يا أمى
كل الحنان فى عينيك
وف لمسة من أيدك
دعواتى كلها ليك
وربنا يزيدك
من فضله كل الخير
وبنعمته يرضيك
شايلاك يا نن العين
قافلة عليك قلبى
حاطة عليه حارسين
كل الهوا وحبى
بدعى لرب الكون
ياحتة من قلبى
تبقى لى ضهر وسند
أجرى عليه فى كربى
تبقى لى صدر حنون
أحط فيه قلبى
وتبقى ذكرى وسيرة
يطول بيهم عمرى
❤️❤️
ليست هناك تعليقات:
إرسال تعليق