« أبويا »
أبويا كلمة جميلة
كانت مالية حياتي
لفظ اتحرمت منه
وبطل ينطقه لساني
وجوده كان كل شيء
له طعم تاني
اتغيرت كل حاجه بعد مماته
كنت اتصرف بكل جراءة
عارف أني انا محمي
خبر رحيلة كشف ظهري
راح خلاص سندي
صعبان عليا حالي
من وقت وفاته
مين آخد رائيه
ويوجهني ولا أبالي
كتير اتذكر صوتك
ينده ويقولي تعال
مالك وليه زعلان؟؟؟
يا أبني أنت ضئ عيوني
انا معاك اوعي تخاف
خالي أملك بربك
هو رافع الأحمال
كلامك كان دستور
وحكمتك وافعالك كمان
تحب الكل. يحبوك
وما تدخل بينكم المال
صاحب صاحبك
وسنده وقت الأزمات
وخاليك دايما جانبه
لو يوم حيطه مال
أوعي تخليه يقرع بابك
ويقولك انا محتاج
أجري دايما في العمل الخير
ولا تقول قريب او غريب
مالوش عندي غير السلام
وحشتني قوي يا أبويا
ولمه حول طبلية
وفرحة العيد والعيدية
وحاجات كتير جدا
كنت بتعملها لاخواتي
وكمان ليا....
ليست هناك تعليقات:
إرسال تعليق