قالوا عني
شاعر
وانا جوايه
مشاعر
احساسي في
قلبي محبوس
زي المارد
جوه الفانوس
برسم حروف
في قلبي مترتبه
ممكن تكون
غريبه بس طيبه
جوايه كتير
من الكلام
حواديت واحلام
محتاجه قلب انسان
يرتبها ويشكلها
او يرسمها بالاوان
وانا زي غيري
عايش في امان
راضي بحالي
ومش زعلان
وفي ناس تشجع
وتقول برافو
وناس تقطع
الكلام وحروفو
ومفيش حد باكي
علي كسوفي
انا بفكر وارسم
مش صوره في كراسي
ده كلام وافعال
دايره بين الناس
سبوني في حالي
عايش مع كلامي
لو مش عاجبكم
علموني الصح واقروليي
زي ما قالو كتير
بالجواهم حاسين
انا مش صحفي
ولا بكتب دواوين
دول شويه كلام
ومشاعر مترتبين
واللي يتريق يعمل زيي
واقوله امين
خلوني في حالي
وانتو في حالكم ياحلوين
كفايه اصحابي بالحب
معايا مكملين
ليست هناك تعليقات:
إرسال تعليق