___________
كلمة قالها يوم ما جانى
طالب الود ونادانى
قال ياغالية هأسعدك
آه هأسعدك
م الفرحة قلبى فى السما
رفرف وغنا له
كان أمله يبنى مملكة
بالحب تهنا له
رحمة ومودة والسكن
كان الأمل
وخيال جميل
للحلم اللى ما اكتمل
ليه ياقلبى فتحت بابك
للى خانك
خان شبابك
واللى فى عز الفرحة سابك
كان يجيلك
وقلبه ساكن عند غيرك
بايع العشرة وناسيها
هاجر الدنيا ومافيها
الا نفسه
عمره ما ف مرة نسيها
أنا كنت غالية
لؤلؤة
متشالة جوا عيون أبوها
وأمها شيلاها جوا القلب شيل
آه يافراشة
لو تعرفى
أن نوره هيبقى نار
ولا كنت طيرتى فى السما
ولا كنت حتى فتحتى بابك
للى خانك
ليست هناك تعليقات:
إرسال تعليق