خلص الحكي
وعيون الحلم
سكرت بوابها
وغفيت الأسرار
عبواب الحنين
ناطرة تذكار الأيام
يدق بوابها
مش كل حلم بينباع
ولا كل قلب بيعزف بشوق
لحن الوفا
يا مراية الصبح
هجرتي وراقي بكير
وحروفي غيرت عنوانها
لما الروح رشت عطرها
بغدر ألوانها
وبدل الحلم
عطاني تذكار
مش موجود اسمه
بكتاب الوفا
وعمراية الأحلام
تكسرت حروف
أحلامي. ..
وشفت شوكها
بكير بكّى زوارها
ليست هناك تعليقات:
إرسال تعليق