__________
هو مين ؟
دا شاب مصرى
سألت عنه هو فين قالوا واجب راح يشيله
لاء دا فرض عليه ودين
هو راضى وحلف يمين
بعد ست سنين تعب وسهر وجهد
اول سنة فرحة بنجاح وأمل بيتحقق قصاد الكل
هو البطل الهمام اللى مجموعه يفرح القلب ويسر
وايام تعدى فى الدراسة والسنين بتمر
لما ميز رغبته فى الامتياز اختار يكون طبيب باطنه يداوى آلام الناس
أصله دائما ابن أصل وبآلام الناس حساس
وأبتدا المشوار كفاح
وايا والده
اللى عمره ما يوم بعلمه بخل عليه
وكان له دائما
مثل وقدوة وسند يسند عليه
مرت الأيام عليه
يساعد يداوى يطيب
أصل هو قلبه طيب
فى الكورونا كان قريب
من غلابة تعبانين
للى زيه محتاجين
ضحى بوقته وعمره ما قصر خالط
اه خالط مسكين
يوم مارجع لبناته يشوفهم كان تعبان وعليه خايفين
ليكون ٠٠٠٠آه
يوم والتانى وتالت يوم
أشعة ومسحة يارب سلم
دعوة أمه لرب الكون
احفظ ابنى يارب وسلم
وبدعواتها فى عز الليل
وبصلواتها ربى أجاب
طمن قلبها رده لبيته
بألف سلامة
وألف سلام ٠
أهداء لأحد الجنود المجهولين فى صفوف الجيش الأبيض
#شكرا أطباء مصر أنتم فى القلب#
ليست هناك تعليقات:
إرسال تعليق