الأمان شُفتُه ف عنِيه
والنور والشمس كان لُقَاه
وعن شَهامتُه مَيِتحِكِيش
ولا يِتوِصِف دَا يِتعَاش
وحِنِّيِّتُه دِى لسِنِين
قالِّى عِيشِى حياتِك ومَتِندَمِيش
وافتَحِى قَلبِك مَتخَافِيش
فَجأة شَكلى اتغَيَّر
ووِشِّى كَمَان نَوَّر
عَندُه هَالَة وطَلَّة
سُبحان مِن صَوَّر
كَلَامُه دَفعَة لقُدَّام
وصُوتُه موسيقَى مَا تنام
لو كُنت املُك كُنت شُفتُه
كل يوم ولا اتحَيَّر
دَا جَاي من زمن بعيد
زمن الحلم الجميل إلِّلى ما اتغَيَّر
ليست هناك تعليقات:
إرسال تعليق