بقلم/ كيرلس توما
دير قديم في الصحرا كان
من سنين من زمان
حسيت انا فيه بالامان
لكن لقيت راهب حزين
ماسك صليب في ايده اليمين
و لمحت حاجة زي جناحين
قربت منه لقيته طار
جريت انا و بقيت محتار
احكي لمين ع اللي دار
رحت انا لرئيس الدير
قال لي مالك يا ابني خير
و لما حكيت له ضحك كتير
سمعت ضحكه هديت في الحال
فسألني عنه كام سؤال
سمع اجابتي و رد قال
عرفته من وصفك سماته
كتيرة هي معجزاته
و في في مصر أجزاء من رفاته
قديس عظيم من وقت فات
من ع الجبل وقع ما مات
طلع له ست جناحات
راهب و نال سر الكهنوت
ضد الضلال بكل ثبوت
دا الأنبا تكلاهيمانوت
ليست هناك تعليقات:
إرسال تعليق