امي غابت شمس عمرك يلي عمرك اديتينا
كنتي صابرة كنتي شاكرة والمحبة علمتينا
كان حنانك بيحاوطنا لو
غلطنا تنصحينا
عشنا عمر كبير معاكي كنتي حضن بيراعينا،
عمر قلبك بينا ضاق أو في
مرة زعلتينا
عشتي تدعي وتصلي عنا وبحنانك غمرتينا
كنا جنبك أطفال صغار
مهما بان العمر علينا
خايفه دايما عاللي غايب
لما نرجع وتشوفينا
تسهري تستني نرجع
والسعادة لما تلاقينا
في طيبتك امي مفيش مثالك
ومهما نكتب مايكفينا
ولما ساعة الهجر جات كنا جنبك ودعتينا
عشنا ايام صمت وسكات والدموع جرحت عينينا
ومهما عدي العمر وفات جوه قلوبنا تسكنينا
ولما نشتاقلك ياامي ننده يا امي ليه مابترديش علينا
انتي روحتي عالسما واحنا ياغاليه نفوسنا في بعدك حزينه
انما لينا رجاء عند الاله صلي عنا واذكرينا
بنحبك يا امي وكلمة يا امي واحشة لسانا نفسنا ننده
عليكي وتردي علينا
بعد امك بعد ابوك اوعي يوم تكرهه اخوك
راح تعيش في الكون لوحدك راح يضيع كل اللي حبوك
ليست هناك تعليقات:
إرسال تعليق