بقلم / شوقيه كامل
سكنتى السما
من يوم ما سبتى مكانك ومشيتى
وانا حاسه بحزن كبير
وكل دموع قلبى بتصرخ جوايا
ملعونة الغربة اللى خدتنى منك
ورمتنى فى بحر التوهه
من غير ما اشوفك
كان نفسى اودع روحك
وانا وخداكى بين دراعاتى
واحضن توبك اللى بيمطر حكايات
لحد ماكبرت روحى
كان نفسى اودع قلبك
اللى ياما اتحمل عشانى
وشال احزان كل سنين صبرك
لكن غصب عنك رحتى منى
وكل حاجة حلوة راحت
كان كل همك
ترسمى الفرحة ف عنيا
بعد منك مين هايدينى الامان
ويهون الدنيا عليا
لكن غصب عنك روحتى
واتاخدت حكاياتك منى
وماعدتش القاكى فى صفحاتى
من يوم ماسكنتى السما
ليست هناك تعليقات:
إرسال تعليق