بقلم إسحق حنين البياضي
أنتي يا أمي ست الحبايب
انتي قلبي ونبضي وكياني
أول كلمة نطقها لساني
أول صورة شافتها عينيا
أمي أول أيد شالتني
أمي أول حضن دفاني
أنتي مصدر سعادتي ووجداني
أنتي اللي بتبدلي كل أحزاني
مين غيرك تعب وربا
مين غيرك سهر وكبر
قلبك كله محبة وحنية
قلبك عمره ما عرف الاذية
كيف أقدر أوفيك
وجمايلك كتير اووي عليا
مش ممكن أنسي في يوم
دمعتك اللي نزلت من خوفها عليا
ولا قلقك وانا مريض
وإيديك حاضنه أيدي
وتبوسي وأنتي بتنظري
بأستمرار عينكي ليا
ومتلهفة ونفسك تطمني عليا
أعطيت لحياتي معني
وعطاءك لينا محبه ووفاء بمعني
والله جل جلاله في كتابه
أمرني وصاني عليكي
بسببك تطول أيامي
وتنتعش زهرة شبابي
ويبارك في كل أعمالي
لأن رضاه من رضاكي
حبي ليكي كبير
وعمره ما يقل مع كتر السنين
هتفضلي ليا سبيل
ودعواتك حصن حصين...
ليست هناك تعليقات:
إرسال تعليق