ساعة صفا ؛ بقلم الشاعر المبدع / سامى عادل ( مصر 🇪🇬 )

ساعة صفا....

كل يوم وقت العصاري... نبتدي.

نفتكر ....ساعة صفا....

نفتكر.... لحظة دفا ....

فاكرة. حبيبتي...

لما موج البحر كان بيداعبنا..

لما نسميه افتكر أنه قريبنا..

جه وحط جنبنا....

برقة وحس إننا...

زارعين جوانا الوفا..

...........

فاكرة حبيبتي....

عالجدار.. لما سندنا ضهرنا..

والنوارس صوتها هادي زيينا.

جاية تسمع نبضنا..

جايه حاسه بحبنا...

ولسه القلب ما اكتفى..

...............

فاكرة حبيبتي..

لوحة العشق الجميل...

وقت الغروب...

والسما.. شمسها بتشرح لنا

نبض القلوب....

شايفة جوانا السعادة..

ومودعة بحب الجفا..

.............

فاكرة حبيبتي...

فاكرة ولا أفكرك..دي رقتك.

كنت بفرش لك بحبي سكتك

كنتي جوايا بجد..

حبك أنتي ملوش حد..

حب طاير في السما..

والقلوب مرفرفه..

.......

فاكرة حبيبتي...

ساعة صفا..