شد الحزام على النخلة
بقلم الشاعر /عاشور الزعيم
شد الحزام ع النخله
واطلعها يا جدع
رضا الحبيب مش عافيه
وإن كان يبقى وجع
جمع البلح ياخَاله
جَدعنه ولا حَديت
مهروده جيابه دِيما
اللي يفرّط ف النخيل
واهي كلمه قلتها حَنه
دَق المِسحه شَبَع
سُد المُويه ياخال
وكفايه اللي حصل
ماجونا ليلة البارح
واللي حصل وصل
خلّي سرّك ف عُبك
والعيبه إنك كبير
كُبر السن مش شيبه
ياما شابوا وهما صغار
وإن كان الكدب خيبه
يبقى الغلط دَلَع
واهي كلمه قلتها حَنه
دَق المِسحه شَبَع
مسي لي ع الحردانه
واللي زعلها مين
لمة الجران ع الفاضي
والمدره ف الهوا
اهو كله يهون ياقاضي
إلا خكم الهوا
عُفار الربه ياخال
سد ت حلق الجنين
اللي جرى زمان
ياما قولنا عليه أمين
ياما ضربوا الرمل ياخال
ووشوشو الوَدع
واهي كلمه قلتهاحَنه
دق المسحه شبع
ليست هناك تعليقات:
إرسال تعليق