بقلم / صموئيل فايق
لو لفيت كل البلاد
زي أمي ملاقيش
في حنيتها والدعوات
إللي بهم في سلام بعيش
وفي حضنها بتموت الألمات
وإحساس الحزن ميعرفنيش
وتوصيني أخلف طريقي مع الأهات
وأحب كل الناس ومخليش
حد زعلان مني وواقف في سكات
حتي ولو ظلمني ميهمنيش
وبالخير أقف قدام كل التحديات
ولو قالو عني من أيام الطرابيش
هاقولهم كله مكانه في ثبات
علشان إللي حوليا ميكرهونيش
هاحبهم ولو خاصموني بالساعات
وأعتبرها من الدنيا بكشيش
يا أمي إتكرمتي في الأيات
وكنوز الدنيا عنك متعوضنيش
من أجلك إحترمت كل الامهات
لإنك بتعطي ومتحسبيش
السهر والتعب وكل التضحيات
وأنا في حضنك تفرحي ومتبكيش
وفي بعادي تتملي عنيكي بالدمعات
نفسي للاخر عمري عني متبعديش
حتي ولو ثواني ولحظات
يارب منها متحرمنيش
إحفظها وإحميها كل الأوقات
وخليها في فرح وسعاده تعيش
بحبك يا أمي وأكتبها بجميع اللغات
ليست هناك تعليقات:
إرسال تعليق