بعدك وفية
يا معٓلًٓقة بهاك الغصن بعدك وفيي
مش متل اخواتك الي هجرو لغصون
كنتي عا حُضن امك زهرة طريي
وكان بعدو اسمك زهرة الليمون
تا صرتي بهالعمر فواكي نديي
ربيتي عالغصن عالحضن الحنون
انت بين الفواكي بالغذى غنيًي
بتداوي المريض وبتشفي لعيون
الله عمل منًِك لوحة فنيًي
ما لاقو متلك بي كل الفنون
وحدك بقيتي صامدة وقويي
تاتعلمي الناس كيف الوفا بيكون
ليست هناك تعليقات:
إرسال تعليق