بقلمي... الشاعر حاكم الأسدي.. العراق
وعيونك غزل توحي
وألك وجنات شمعه
أتنوّر أبروحي
وشفايف والرضاب أيموج
بي داء و دوه أجروحي
وزند مفتون...
يحله اويه السواد ايلوگ..
ويخفف شجن نوحي
وشَعَـر ليل وهدل عالطول
وانت هلال بي يوحي
ودلال البيك عزه وطيب
وي بسمة دلع..
متبسمره أبلوحي
حبيبي انت...
وعليك الروح ملهوفه...
وتريدك شتله بسفوحي
احبك صاح گلبي وغاص
بعيونك وهي التوحي
أريد امواصلك مفطوم
شوگ وغفه أبنص روحي
ليست هناك تعليقات:
إرسال تعليق