بقلم /عمران شخاذي
قاعد خطيب الناس بقهوة انشراح
واضع خطط للحرب ودروب الكفاح
ساعة بتغزل نصر من نسج الجراح
وساعة الفخر عل كتف بتحطو وشاح
لاكك اجر عل اجر وبتحكي بنجاح
هاجم على الاعداء من سبعين ناح
مجرب عليهن كل انواع السلاح
وانك بوقت الحرب بتكون الفلاح
ويمكن بوقت السلم بتكون الصلاح
مِنَّك بخاف الليل تيطل الصباح
معربش ع اعلى جبال ع اعلى سِفاح
وانو بلحظة كان فَرّخْلك جِناح
بتفهم بعلم الطقس وبعلم المِلاح
وانت بعلم الطب بتركب لُقاح
مرفرف علم مرفوع ع رؤوس الرماح
وقايل بدرب الخوف ما بتعرف صِياح
وانْ مَر صرصور بجوانح طايرة
بتهرب بسرعة صوت يا بسرعة رياح
Keep going ❤️
ردحذفGreat
ردحذففي كتير هيك
ردحذفلبنان كلوت هيك
ردحذف