بقلمي.. الشاعر حاكم الأسدي.. العراق
ينكَط شوكَـ ,, حبره ,,, ويترس الكون
ولمن ..؟ نعزف غنه الموال ... وشلون .!!؟
اذا بهل الطرب ..... مشلوله المتون
ولمن ..؟ ينزل دمع من موكَـ العيون
اذا من راح ... خيّط جرف الجفون
ولمن ..؟ روحي ترفرف ... يوم يحدون
اذا خيط الوصل ..... كَطعته السنون
وصفه طيف الحزن .... يسري اويه الضعون
ولمن ..؟ ينبض وريدي ... الجان مرهون
بسفيفة شوكَهم ... خليته مسجون
رغم ,, سجّانهم ... لب اليكرهون
ولمن ..؟ أفرش مهجتي .. ومنتظر ,,, كون !!
اذا بيهم مغثه ,,,, اللي ينامون ..!!
وعله اعناد العدل ... بالغيبه يحجون
ولمن ..؟ سجل الغزل بي نكتب ,, أتهون .!!
اذا عميان ,,, بيه الصفوا يقرون
ولمن ... لمن ... لمن ...؟
..... نهتف تعالو ,,, وكافي تمشون
اذا صم وبكم ...... ذوله اليسمعون
ولمن ...!!؟ نكتب حرز ... للصايبه اجنون
اذا متلبّسه ,,,,,, شيطان ملعون ...!!!!
َ
ليست هناك تعليقات:
إرسال تعليق