مرسال
بعت مرسال لبنت الجيران
يقولها إن قلبي ليها ميال
ردت وقالت إحنا لسه صغار
البتعملو ده لعب عيال
رجعتو تاني
مع تغيير الكلام وقال
هو بيكي مشغول البال
بيحبك وده قرار
قالت بدون أعزار
عن كلام العشق والغرام غير
علشان إنت لسه صغير
قعت زعلان وحالي متغير
عايش في حيره
وخايف أتهور
قلت خلاص
علي حل تاني هادور
لقيت رجليا وخداني
عليه من تاني
وقولتلو رحلها يمكن
رائيها فيا يكون إتغير
رجعلي ونظراته مش مطمناني
من بعيد قلت إيه جري تاني
رد بصوت حزين وقال إنساها
إنت مش هواها
يمكن في حد تاني
مشيت مكسور
والخدود تقول
متحزنشي الدموع مغرقاني
كفايه إنسي
هاتحب تاني
قلت لنفسي
إيه الجرالي
هي أخر وحده
مفيش زيها تاني
أعمل إيه
بحبها وشاغله بالي
وفجأ لقيته
معديه قدامي
وواحد ماشي
معاها مكاني
ماسك إيدها
والضحكه في بقه بتلالي
مصدقتش عنيا
والشايفه قدامي
قلت أنا بحلم
ولأ صاحي والدنيا وخداني
أنا الغلطان مكنش لأزم
أكرر طلبي تاني
وأتبع وأنساها
علشان أنا مش فارق معاها
ولأ في يوم هاتكون ليا
ولأ أحلم بلقاها
هاقدر أنساها
وحياتي هاتكمل
بيها أو بلاها
مبروك ليه وللمعاها
ربنا يسعدها
والحزن والألم
ينساها
ليست هناك تعليقات:
إرسال تعليق