الشعب المسكين
بالفصحى كتبت
ما بدن يقرو
وبالعامية
ما عم يقشعو
هيدى لغة بلادي
ما بدن يسمعو
بشو بحكيكم ت تردو
الشعب جوعان وتعبان
وبردان وحفيان
ومريض
والارض عم
تبكي وتزيد
وانتو وينكن
ما عم لاقيكم
عم فتش عليكم
بالسراج والفتيل
ما عم لاقي
واحد منكم
كلكن ضايعين
وبحبال الفساد
معلقين
وعم تتأرجحو
بالمال
شمال ويمين
ونحنا كلنا
جوعانين
تبهدلنا وتشردنا
وجعنا
وعم تتفرجو علينا
عاجبكم منظرنا
شو بعدكم ناطرين
ناطرين ت تزيد
ملاينكن ملاين
والصفقات الجاية
ما يروح عليكم
ولا ملين
ما عاد يحمل
الوضع سرقة
ونهيب
الارض عم تصرخ
من اللهيب
اذا الارض عم
تستغيث منكم
كيف هل
الشعب المسكين
اكتفي بالمال
يلي سرقتو
وتركولنا هل فتافيت
بركي بالكرامة والجهد
منرجع منعمل
منها حضارة
ومنبني هل
البلد من جديد
بس حلو عنا
بيكفينا
تهديد ووعيد
ليست هناك تعليقات:
إرسال تعليق