راه الدنيا ضحكة علينا
وبنادم حجر وطوب
فيه الحاقد والمحبوب
فيه الجيعان والشبعان
فيه المكسي والعريان
هداك تابع الدنيا يجري
وراها يلهت عطشان
شحفان ولسانو ناشف
يبلع فحالقو الريق
وخا طوالت عليه الطريق
بغى يدير وسخ الدنيا
من الحلال ولا الحرام
المهم يبان عند الناس
شبعان ويقولو الحاج فلان
باين عليه الخير والإحسان
وخا راه الحساب صابون
وعند الفورة يبان الحساب
ويبانو داك الغدارة
لي نفسهم شريرة
يعابدو الثروة والمال
قلبهم كحل فيه الدغل
راه الإنسان غير إنسان
فيه روح ودم ولحم وعظم
فيه المرتاح وفيه الشقيان
فيه لي خاف الله
وكين لي تابع نافسو وهواه
نسى الدين و شرع الله
راه الحساب صابون
وعند الحساب يبان البلان
ونواليو بينتنا سواسية
ما كين لا الحاج فلان
ولا هدا شبعان وهدا جيعان
المهم عند الفورة يبان الحساب
والحساب صابون
ليست هناك تعليقات:
إرسال تعليق