دمعة حلم
ضوّي يا قنديلي بليل
السهر
وشوف القمر ودَّع
النجمات
ونرجس وياسمين ع مَدّ
النظَر
ناطر يلملم للهوى
حكايات
ويسكب عطوراتو بضوّ
السَحَر
وانا وحبيبي عم نسرق
الهمسات
وتحمل مراسيلي قطرات
المطر
للعاشق السهران وميعدّ
هالكاسات
دخلك ياقنديلي ودّيلو
خبر
مخجوله. تشتكي لعيونو
النهدات
الصداها رقّص جنون
الوتر
ماقدرت قلّو فاقت
الوردات
تتسكب العطر بلَيالي
السمر
احكيلو ياقنديلي مضيّعه
الكلمات
عن أميرة حبّو القاتلها
الضجر
شو كانت تصلّي مع
الشمعات
كل ما مرَق عبالها و
خَطَر
وتنطر تتسمع عبابها
الدقّات
الباب الزهقان ع قدّ ما
انهجَر
وياحلم انكتب عالسطر
كلمات
ال فاق الخيال واحلام
البشر
انا الّ بلّلت عرزالي
الدمعات
الوحده يارفيق بتبكّي
الحجر
مهلَك ياقنديل بشويش ع
الزيتات
تإرسم ع ضيَّك وجهو
القمر
وشوّية بقايا من صدى ال
نهدات
ليست هناك تعليقات:
إرسال تعليق